Eze 46 | Ndebele | STEP | Itsho njalo iNkosi uJehova: Isango leguma elingaphakathi elikhangele ngasempumalanga lizavaleka insuku eziyisithupha zokusebenza . Kodwa ngosuku lwesabatha lizavulwa, langosuku lokuthwasa kwenyanga lizavulwa .

1 Itsho njalo iNkosi uJehova: Isango ^a leguma elingaphakathi elikhangele ngasempumalanga ^b lizavaleka insuku eziyisithupha zokusebenza ^c. Kodwa ngosuku lwesabatha lizavulwa, langosuku lokuthwasa kwenyanga lizavulwa ^d. 2 Njalo isiphathamandla sizangena ngendlela yekhulusi lalelosango sivela phandle ^e, sime emgubazini wesango ^f. Abapristi balungise umnikelo waso wokutshiswa leminikelo yaso yokuthula ^g, sona sizakhonza sisembundwini wesango ^h, siphume; kodwa isango kaliyikuvalwa kuze kube kusihlwa. 3 Ngokunjalo abantu belizwe bazakhonza ⁱ emnyango walelisango ngamasabatha langokuthwasa kwezinyanga ^j phambi kweNkosi. 4 Lomnikelo wokutshiswa ^k isiphathamandla esizawunikela eNkosini ^l ngosuku lwesabatha uzakuba ngamawundlu ayisithupha angelasici ^m, lenqama engelasici. 5 Lomnikelo wokudla ^{n
,} ^o uzakuba yi-efa* ngenqama ^p, lomnikelo wokudla ngamawundlu uzakuba yisipho sesandla saso, kanye lehini yamafutha nge-efa ^q. 6 Langosuku lokuthwasa kwenyanga ^r kuzakuba lijongosi ithole lenkomo elingelasici ^s, lamawundlu ayisithupha, lenqama; kungabi lasici. 7 Njalo sizalungisa umnikelo wokudla ^t, i-efa ngejongosi ^u, le-efa ngenqama, langamawundlu njengalokho isandla saso singafinyelela kukho ^v, lehini* lamafutha nge-efa ^w. 8 Lalapho isiphathamandla singena ^x, sizangena ngendlela yekhulusi lalelosango, siphume ngendlela yalo.

9 Kodwa lapho abantu belizwe ^y besiza phambi kweNkosi ^z emikhosini emisiweyo ^aa, lowo ongena ngendlela yesango elingenyakatho ukuzakhonza uzaphuma ngendlela yesango elingeningizimu, longena ngendlela yesango elingeningizimu uzaphuma ngendlela yesango elingenyakatho. Kayikubuyela ngendlela yesango angene ngalo, kodwa uzaphuma maqondana lalo ^ab. 10 Lesiphathamandla sizangena siphakathi kwabo ^ac lapho bengena ^ad; lalapho bephuma sizaphuma. 11 Lemadilini ^ae lemikhosini ^af emisiweyo umnikelo wokudla uzakuba li-efa ngejongosi ^ag, le-efa ngenqama, lesipho sesandla sakhe ^ah ngamawundlu, lehini lamafutha nge-efa ^ai. 12 Lalapho isiphathamandla silungisa umnikelo wesihle, umnikelo wokutshiswa, loba iminikelo yokuthula, umnikelo wesihle eNkosini ^aj, omunye uzasivulela ^ak isango elikhangele ngasempumalanga ^al, silungise umnikelo waso wokutshiswa, leminikelo yaso yokuthula, njengokwenza kwaso ngosuku lwesabatha ^am; siphume, njalo omunye uzavala isango ^an emva kokuphuma kwaso. 13 Njalo uzalungisa iwundlu elilomnyaka munye elingelasici libe ngumnikelo wokutshiswa eNkosini insuku zonke ^ao. Uzalilungisa ngaleyo laleyo ikuseni. 14 Futhi uzalilungisela umnikelo wokudla ngaleyo laleyo ikuseni, ingxenye yesithupha ye-efa ^ap, lengxenye yesithathu yehini yamafutha ^aq, ukuthambisa impuphu ecolekileyo, kube ngumnikelo wokudla eNkosini, ngezimiso eziphakade njalonjalo. 15 Ngokunjalo bazalungisa iwundlu lomnikelo wokudla lamafutha ngaleyo laleyo ikuseni kube ngumnikelo wokutshiswa njalonjalo ^ar.

16 Itsho njalo iNkosi uJehova: Uba isiphathamandla sinika isipho kuloba yiyiphi yamadodana aso, ilifa laso, amadodana aso azakuba lalo, lizakuba yimpahla yawo ngokwelifa. 17 Kodwa uba sinika isipho selifa laso kwenye yezinceku zaso ^as, sizakuba ngesayo kuze kube ngumnyaka wenkululeko ^at; khona sizabuyela kusiphathamandla; kodwa siyilifa laso, amadodana aso azakuba laso. 18 Futhi isiphathamandla kasiyikuthatha ulutho elifeni labantu ^au ukubacindezela basuke emfuyweni yabo ^av; sizanika ilifa emadodaneni aso emfuyweni yaso; ukuze abantu bami bangahlakazwa ngulowo asuke emfuyweni yakhe.

19 Wasengingenisa ekungeneni, okwakuseceleni kwesango ^aw, kusiya emakamelweni angcwele abapristi ^ax, akhangele ngasenyakatho; khangela-ke kwakulendawo kunhlangothi zombili ngasentshonalanga. 20 Wasesithi kimi: Yiyo le indawo lapho abapristi abazaphekela ^ay khona umnikelo wecala ^az lomnikelo wesono ^ba, lapho abazabhakela khona umnikelo wokudla ^bb, ukuze bangakukhupheli egumeni elingaphandle, ukungcwelisa abantu ^bc.

21 Wasengikhuphela egumeni elingaphandle, wangidlulisa engonsini zozine zeguma; khangela-ke, kuleyo laleyongonsi yeguma kwakulelinye iguma. 22 Ezingonsini zozine zeguma kwakulamaguma ahlanganisiweyo; ubude babuzingalo ezingamatshumi amane, lobubanzi babuzingalo ezingamatshumi amathathu; lezizingonsi zozine zazilesilinganiso sinye. 23 Njalo kwakulomzila wesakhiwo inhlangothi zonke kuzo, inhlangothi zonke zozine, njalo kwenziwe amaziko okubilisa ngaphansi kwemizila yesakhiwo inhlangothi zonke. 24 Wasesithi kimi: Lezi yizindlu zokuphekela, lapho abakhonzi bendlu ^bd abazaphekela khona umhlatshelo wabantu ^be.